مساعده للحصول على رخصة قيادة

[عايض مسفر]

السلام عليكم انا من ذوي الاعاقة طالب جامعي وابي اطلع رخصة لكي اشتري سياره للدوام هل يعطوني رخصه ولا يرفظون تكفون ساعدوني

[نجمة مسافر]

رد: مساعده للحصول على رخصة قيادة

وعليكم السلام ورحمة الله وبركاته
الله يشفيك ويعافيك
أنا ما أقدر أفيدك وبإذن الله الأخوان ما يقصرون
حبيت ارفع الموضوع

[المتفائل]

رد: مساعده للحصول على رخصة قيادة

وعليكم السلام
هلا اخوي عايض
بيطلعون لك ان شاءالله يعطوك خطاب للمستشفى
ويكتب الدكتور غير قادر على قيادة السيارة العادية
ولكنه قادر على قيادة سيارة خاصة

لكن الزبده انت تعرف تسوق ياعايض
كنت تسوق قبل الإعاقة او سبق وسقت سيارة لذوي الإعاقة

[طاهر بن صالح]

رد: مساعده للحصول على رخصة قيادة

وعليكم السلام ..

هلا أخوي عايض .. إن شاء الله إنك بخير وعافية ..

تقدر تستلم رخصة قيادة في ساعة على الأقل لأنك من ذوي الإحتياجات الخاصة ومن موظفي مؤسسة راح يساعدك لييين تطلع رخصتك إن شاء الله .. واتبع الإجراءات اللي بقولها لك أوكيه ..

- إجراءات إصدار رخصة قيادة خاصة ( ذوي الإحتياجات الخاصة ) للسعوديين :

1- أن يكون المتقدم عمره 18 عاماً فما فوق .
2- إجراء الكشف الطبي .
3- إحضار صورة من بطاقة الأحوال للمواطن .
4- إحضار 6 صور شمسية مقاس 4×6 سم .
5- دفع رسوم المقررة . [ رسوم إلتحاق لدورة طالبي رخص القيادة الخصوصي للمنتظم 435 ريال ] .
6- إحضار ملف لإحضار الأوراق [ ملف علاقي أخضر ] .
7- إحضار بطاقة التأهيل ليعرفون إنك من ذوي الإحتياجات الخاصة وإن شاء الله تستلم في ساعة على الأقل .

وهذا اللي أعرفه وعلمتك خطوة بخطوة والله يوفقك .